Windows LiveWindows Live™
 
 
REEM's profileㄨ˚•●«REEM»●•˚ㄨPhotosBlogListsMore Tools Help

Profile

REEM

View profile details

::+::قصائد صوتيه::+::

::+::للتسليه::+::

::+:: اطلق سبيسات ::+::

::+::رمــوز لزوم الكشخه ::+::

Network
This person's network is empty (or maybe they're keeping it private).

ㄨ˚•●«REEM»●•˚ㄨ

»Ï«AL-DoSsaRy»Ï«

Sandbox
Loading...

هـــــلا والله وغـــلا

Amazing Hit Counter

::+::راسلني::+::

::+::سجل الزوار::+::

»¨^¨ Top ¨^¨«

::+::Chat::+::

Photos
There are no photo albums.

Blog
May 29

ليت ربي ما كتب لحظه وداع!!







 

اليوم:-الاربعاء،،بس دخلنا الخميس.=Pp

 

التاريخ:-22/5/1429هـ..

 

الوقت:-1:2 بعد منتصف الليل.

 

هــــايووووز..!هـــايزاات!!

 

اخباركوم..؟؟ واعلومكوم ..؟؟ان شاء الله بخير!!

 

ادري انكم مستغربين اني  كاتبه بلوق جديد بسرعه<<اقوول اسكتي محد درى عنك!!

 

بالعاده ما تشوفوني الا من سنه لـ سنه!!

 

 

الزبده موب هذا موضوعنا<<طيب شوي شوي لاتدفين:P

 

 

-------------------------------------------

 

تهئ..تهئ..تهئ

 

اذا (تفارق) شخص عادي [مصيبه]،،،/

 

                                                 وشلون لو (فارقت)من هو [تحبه]!!

 

من هذا البيت الجميل اللذي تغنى به اسطورة الفن عبدالمجيد عبدالله..ترى اسطوره ابد موب من عقلي<<كااك

 

ازف لكم هذا الخبر المتعس التعيس وهو من اتعس الاخبار المتعسه اللتي مرت علي في مسيرتي الحياتيه!!

(بسرعه بدون ما تعدون كم مره قلت تعيس)!!

 

أن اعز واغلىىى صقيقاتي الصقووقات اللي جالسه جمبي بالصف و امي العزيزهـ

 اللي ربتني على السمع والطاعه ،،

البنت اللتي صاحبة اروع الخلطات الخونفشاريه لجمالكِ اختــاهـ !!

واللي تطر مني نكات كل ابو دايم<<ماتسوى عليهااا مسيكينه ..

 بس تفداك النكات واللي تسووي النكات يا بعدي ،،،وهـ بس !!

  

-------------------------------------------

  

طيب ماقلت لكم وش بيصير فيهااا في المستقبل القريب؟؟=(

 

ترى ..را ..را.. ررا !!!

 

سوف تفاروقني للأبد ابد وماراح اشوف خشتها ابد ابد =(

 

حيثو انها سوف تنتقل مع عايلتها الكريمه للعيش بالرياض مدى الحياه،، بسبب مالكم دخل ض1!!

 

------------------------------------------- 

 

 

<<مدري وش احس فيه وانا احتسي بالفصحى!!

 

   المهم عاد الحين لا تتلقفون وتقرون لأن الكلام موب لكم <<شفيكم تطالعوني كذا!=Pp  

 

ندوووش يا بنت والله اني احبكـ وبفقدكـ اكثر شئ والله وبتوحشيني يا العنوناتي،،،

 

 ومدري وشلون بعيش بدونك يا الغلا !!!=(

 

                                  

 

محـبتـك في (فـؤادي)مـالهـا آخـر،،،


مهما(افترقنا )...{وغبت عـن نآظري،،،

أنـت حيآتي ويومي وأمسي وبـآآكر} !i

 

                                 

 

الزبدهـ  من هالكلام اني حبيت اعبر لها ولو بالقليل عن محبتي لهــا ..

 

مع انه ما اعرف اعبر بس يالله يالله كتبت هالكم حرف <<لحد يصدق ان الشعر انا اللي كاتبته هوع!

 

<<ترى انا وايمانوه اوخيتي ما قلبنها صياح!!

 

-------------------------------------------

 

 وفي /،،،الختام  !!

 

سوف اقوم انا وباقي افراد الشله الموقرهـ بإقامة حفلة  وداعيه لاصرت ولاا استوت لحبيبت البي ندوش(L)

 

يوم :الأربعاء. بتاريخ:29/5/1429هـ الساعـه:9:15 صباحــاً<<ترى موب بالفسحه ابد:P

 

<<احس اني بتصطر كانت مفاجــأه بس خربتها .. بس شسوي ما اعرف امسك شئ لازم اقوول !!

 

والدعووه عاامه ..كل امكم وابوكم معزوومين ..حياكم الله ..=Pp !!

 

وسوف يحيي الحفل نخبه من الفنانين ..اصاله ومحمد عبدهـ و رابح صقرالخ... فيه بعد بس ناسيتهم<<سين طاع:p

 

-------------------------------------------

 

(برايفت)

 

نيبآآآو،،،

 

 يا العنوني ترى ما نسيتكـ و كان ودي اجيب طاريك  انتي ومخدتك اللي 24 ساعه خامتها ،،

ومنديلك اللي يحظن عطساتك ولكن نظرا للظروف اللتي امر بهاا اجلتها اللى البلوق القادم ..

 

وشكراً=Pp 

-------------------------------------------

 

المهم ادري ان الاسلوب والتعبيرماش،،،=S

 

بس كتبته بسرعه بسرعه عالطاير اذا لقيتوا اخطاء املائيه سلكوا لي!!=)

 

<<ترى ابد ما كانت كاتبه هالكلام على منديل!!p;

 

يلاباي حبايبي..

 

اشوفكم على خيرر قريباً ;p!!

-------------------------------------------

12:39 AM | Add a comment | Read comments (2) | Permalink | Blog it
February 12

][شطحات خونفشاريه][

هـآآيـوو..! 
 
آخـباركوم ..؟ اعلومكم..؟ ان شاء الله تمام 
 

من زمان عنكم ..وقسمن وحشتوني اوي اوي

 

كح كح ..غباار يا الشيون *ض1*راجع مسنجري(وحده تسمع بالتشويق)
 

(ض1)هذي اختصار الخشه الخضراء اللي تضحك وضروسها بيضاء وهي متوفره بعدت الوان

 

 بس ماخش مزاجي الا الاخضر<< تعرفون لزوم الروح الوطنيه..

 

 لاتوجد الا بالمسنجرات الكبرى مثل مسنجري واوخيتي اوم كشه و اوخيتي السحليه الثانيه

 

بس حقتها غريبه كذا مدري وشلون جايه  غبيه مثلها << ماتذب ابد:P ..

   

الزبده  من هالبربسه اللي فوق ان الفيس مارضى يطلع << برا  

 
الموهيم  

ادري اني ساحبه عليكم من الصيف .. وادري اني وحشتكم  << ابوك ثقه بس

 

وشوووكرن لكل اللي سيروا ع سبيسي وكتبوا كومنتات ,, وسوري عالصفطيشن


بس شسوي نظرا للضروف القاسيه التي امر بها وتغير نمط الحياه من فله وسعة صدر الى

 

 حشره وضيقة تنفس .. ونظرا لما نعانيه من تقلب الاحوال الطقسيه<< صح كذا يقولونها:P 

 

والدراسه من جهه عاد تعرفون انا 24 ساعه بيدي الكتاب<< افلقوني اذا هالكلام صدز

 

والدليل اني ماخذه ثلاث ارباع << حتى موب واحد خ خ خ .. وطبعا الدرجه من 10 قولوا

 

ماشاء الله عن الحسد !!

 

في وحده من هالمواد اللي مال ابوها دااعي

 

وهالنظام الخايس المخيس اللي مدري وش يبي بالحياه

 

كل ابو دايم اختبار والله لو اني كمبيوتر اصم هالكتب كل يووم!!

 

هو صحيح اني ما افتحهم ولا ادري وين ربي قاطني

 

بس من جد تعب تشوف كل يوم ورقة اختبار بيدك..

 وتسلمهاا فااضيه ( صراحه كنت اكتب اسمي )

بس بعدين تحسفت قلت خلني اتعبهم شووي ..

عشان يحوسون ويتعبون ويشوفون من  اللي ما كتب اسمه قبل ما يحطون الصفر<<قولي قاء:P

 

بس  مع ذلك الله يخلي الغش

 

احس اني حطمت الرقم القيااااسي هالسنه

 

اقوولكم مووقف صار لي في احد محاولاتي للغش 

 

مرتن من المرارير 

 

طبعا وزعوا الاوراق 

 

وبدوا البنات يحلون الا انا وبعض المساكين 

 

طبعا كالعادهـ كانت اوراقنا  ناصعة البياض تقول غاسلينها بتايد 

 

واشتهيت اكتب فيهااا شئ 

 

قلت ليه ما انقش من اللي جمبي كم كلمه 

 

ولسوء الحظ انها دفره  ما تخلي شئ ما تكتبه 

 

ليتكم شفتوا ورقتهااا قصم قصمات ان تجيكم السكته 

 

لدرجة اني نسيت نفسي اني باختبار فتحت فمي على الورقه اناضرها 

 

فجــأه وانا مفهيه على الورقه 

 

يجي صووت من بداية الصف ينادي

 

(يا كلك حلا)<< اييه ترى الابله تعرف نك نيمي بالسبيس 

 

ابو الفلعه بس خ خ خ 

 

وانا اللي انخرشت ورفعت راسي 

 

قلت وش سويت (هذا  اللي يقول على راسه بطحاء يتحسس عليهاا )

 

لقيتها مبتسمه ولله الحمد(تضحك عليك يا كمخه) ،، قالت ماسويتي شئ بس ناظري بورقتك     

وانتهى وقت الاختبار وانا ماغشيت ولله الحمد<< الا ماحصل لك:P   

ومازالت ورقتي ناصعة البياض 

وبس 

 

((ماتلاحضون ان النت عالم غريب)) 

 

يا اخي<< تأثرت كل اللي بالبيت يا اخي يا اخي .. يكلمون الخدامه يقولون  لها يا اخي صرت مثلهم خ خ خ.. المهم نرجع لمحور حديثنا ..

 اكثر من مره تصير لي مواقف موش ولابد مع اخويا  هالانترنت الوحشين  وش ذا .. سمعت وش قال/ت فلان/ه ووش سوا/ت علان/ه..يعني نظام شل وحط وقلة حيا (لا والأدهى من ذلك واللي يفقع التسبد انه تسذب وتأليف)وبالنهايه يقطونها براسك      Angry  <<--- ترى عصبت خلاص ومانب مكمله(لا تكفين كملي)

 

مو بس في النت حتى في حياتي الصدزيه>>( يعني النت تسذبيه )

 

اقصد يعني خارج نطــاق الشبكه العنكبوتيه<< يرحم امك اسكتي 

 

يلا الله يعين بس وربي يسامحهم!! 

 

الموهيم.. 

 

فحبيت اخذ فتررهـ ابتعد فيهاا عن اصحاب النفوس الضعيفه زي مايقولون فترة نقاهه<< وربي متعوب عليها

 

مع اني ما تركته  تركته لاني ما اقدر .. بس صرت افتح المسن واسولف بعدين ازهق

 

واسكره لاني ما احووبه كثيرر بس اضيع وقت وانشب لـ اخواني << فيهاا عرق........؟

 

1 مطيري2

<<ابد ترى مافيهاااا:P

 

ظللوا من 1 لـ 2 ويطلع لكم العرق المفقود عفوا اقصد الكلمه المفقوده:P 

 

<< شكلهاا بتتصطر 

 

مدري وش فيني ماصرت اتحمس زي اول للسبيس مع اني تعبت فيه ..

 

 مدري عشان النااس صاروا ما يعطون وجه للسبيسات والكومنتات صارت بالقطاره.. 

 

هو صحيح ان السبيس مووضه قديمه وكل واحد صار عنده موقع شخصي وقام يهاايط..

 

بس اللي مثلي دروج ومايعرفون يسوون شئ

 

وما لهم الا هالسبيس يطلقون عنانهم فيه ... وش يسوون؟؟!!<< انرحم صح 

 

الموهيم فيه فكره تراودني منذو نعومة اضافري للقضاء على العطاله مدري البطاله شي من هذا القبيل 

 

][اني اسوي/ لي منتدى][ 

 

بس خايفه اطيح على خشتي وماعاد اقوم<< تعبير عن مدى الخوف من الفشل الذي سيلحق بي ..   

ادري ما يمديكم على هالجمله المعبرهـ  واثرت فيكم بس تعالوا نكمل  ..

 ما انلام  وقسمن كمن مره ادخل منتدى متعوب عليه..

يكسر خااطري يكوون مافيه الا كمن عضوو نشيط والبااقي خارج التغطيه  

امممم.. واحس وحتى المنتديات بعد احسهااا صارت غباار...!<< امممم اقول ما ودك تسكتين    

المهم بعدين اكمل لكم الفكرهـ<< ماتصرف ابد   

ملاحضه :-ترى اكتب وانا النوم واصل لراسي او العكس << اتحداكم تفهمونها 

 

((اللي يعرف يرسل الجواب برايفت ولها جائزه ))

 

يعني اجيبها من الجنب عاد انتوا سلكوا لي اذا لقيتوا اشياء شنيعه!

 

وقفه:- 

 

عندي نكته صار لهااا اسبوع ماسكه معي غااثتهم فيهاا تفقع ضحك 

 

مع انهاا سخيفه نوعا ما ومغبررهـ  هـا هـا هـا بس تضحكني 

 

فيه دفتر شايف نفسه ليه ...؟ 

 

لانه دفتر انجليزي

خخخخخخخخ 

طيب فيه دفتر صايع ليه...؟

مالقى شنطه تلمه

كااااك

طيب اخر وحده

فيه دفتر يبكي ليه...؟

مسطر

هاهاهاهاها

<<لاحظوا انها قالت نكته هع

اضحكوووووا

هههههههههههه

 

عدنـا

 

امس بالليل والعالم خامدهـ ..كنت زهقااااانه قعدت افرفر بالتلفزيون ماافيه شئ

حوم تسبدي وسكرته:s

قلت مالي الا غرفتي احووس فيهااا استرجع ذكرياتي اياام المراهقه<< ياشيخه يعني كبرتي

وانا احوس بالدرج فيه شئ لفت نظري لوونه اصفر يحوم التسبد

استغربت وش هذا .. الا افتحه القاه

ذاك الشئ اللي يلبسوونه المتخرجين

فقعت ضحك عالألوان

ابووك يا اللحاااجه بس .. لونه اصفر بكحلي مدري شلون لبسته<< بدري 

نادي النصر على غفله << ياويلهاا بيقومون عليها النصراويين  

امزح<<< حطت رجلهاا

المهم نكمل وافتحه في ناس واجد كاتبين لي تعرفون المعجبين<< طيري بس 

واقرا واقرا 

لين وصلت لـ وحده من الابلات اللي كنتت مهبله فيهم 

اختلطت مشااعري ابكي ولا اضحك

بس بالنهااايه ضحكت <<لان اصلا مافيه مشااعر :P 

مع اني ما احب حركات النص كم (( واكتب لي واكتب لك

بس هذي قلت بما اني جننتها ودي اشوف وش بتكتب لي 

شوفو الصوره مع انهاا مو وااضحه بس تفي بالغرض خ خ خ 

 

][ارعصوا هونا][

اذا ما فهمتوا اقروا هذا اكيييد اوضح<< قولي قاء               

 كاتبه الله يسلمك

غاليتي الرائعـــه(كلي حلا) 

لك خالص حبي واحترامي<< لحد يكلمني خلاص خقيت 

ودعواتي لك ان تصبحي هــادئـه<< كااك لاتعلييييييييق 

ياصاحبة اروع ابتسااامه<<خووبله 24  سااعه ضحك تحسبني ابتسم لهااا هههههههههههههههههههه 

ياحليهااا الله يذكرهاا بالخيررر...

وبس

المهم ادري اني لحست مخكم بسواليفي اللي ما تخلص بس هذي اخر سااالفه  

منذو مبطي ودي اخطب آآآ  اقصد اكتب

 بس ما يصير نصيب  

اسمعوا  

قبل كم سنه انا وخويتي كنا بزران مانعرف نصلح شئ  

قالت تبي تسوي لهاااا ايميل  

قلت والله ما اعرف بس بخلي اختي تسوي لك  

قالت اووكي  

رحت لأختي وقلت سوي لها ايميل  

قالت اوكي  

المهم سوت الايميل وعدى على خير وضبط  

راحت خويتي المسيكينه بتفتحه يقول الباسوورد

 غلط  

وتحاول وتحاول ماضبط وقالت لي انه ماضبط حاولت انا بعد وماضبط  

ياربييه وش السالفه!!!  

ونروح لأختي المصون ونسألها وتقول انه ضابط وهي فاتحته مجربه  

وتعطينا الباسوورد مره ثانيه ونجرب ومافيه فايده  

ونرجع لهاا وتقعد تهزأنا وتقول بزران وعرفوا ايميلات<<شوفوا مين طلع البزر بعدين  

المهم الله يسلمكم  

نمسكها انا وخويتي ونحشرها بزاويه<<ابد ماتنصب  

ونقولها اكتبي الباس اللي مسويته  

وكتبته لناا ,,وطلع الباسوورد روان<<مافيه أي مشاكل  

بس شوفوا العمه شلون كاتبه روان  

كاتبتها تسذا راوان<<من متى روان فيها الفين  

ونقعد ضحك انا وخويتي عليهاا وخلاص صارت روان من ذاك اليوم راوان<<اسم الشهره  

انا اللي فاك مخي بس هي وشلون نجحت في الاملاء وتخرجت وراحت الجامعه<<دنيا حظوظ.. دنيا حظوظ

والله ودي اكمل بس مانيب حافظتهاا هع <<احح احس اني غبار,,بس والله اغنيه حلووه  

هذا ما لدي اليوم وارجو ان تتقبلوهذرتي البناءهـ <وانتي  اصلا

قلتي شي مفيد من البدايه <<كأأك  

يلااا عااد الله الله بالكومنتات السنعه  

اشووفكم السنه الجاايه زي هالوقت<<قولي قاء  

مع السلامي=)

12:09 AM | Add a comment | Read comments (10) | Permalink | Blog it
August 22

][خربط خرابيط][

 

 

اخباركمـ ... شلونكمـ...؟ابيض ولا اخضر << يع يا السخااافه هع

 

..الموهيمـ..

 

اليوووم ماعندي شئ قلت خلي احط لكمـ تصاميمي << اوووخص يقالها مصممه

 

قبـــل كمـ يوووم مسكت معي اتعلمـ فوتوشوب <<تعرفون الطفش يلعب دورهـ .. هع 

 

اتعلمـ يعني اتعلم

   

وادخل هالمواقع والمنتديات حقت المصممين

 

 ودروس وخرابيط وعوار راس... خ خ خ

 

واطلع بـ 3 بتصاميم يمشون الحـــال

 

 

][التصميم نمبر ون][

 

..الصور المستخدمه..

 

..التصميم..

 

][التصميم نمبر تو][

 

الصور المستخدمه....

 

..التصميم..

 

][التصميم نمبر ثري][

 

ماستخدمت الا صوره وحدهـ وقعدت العب فيها وطلعت كذا

 

..التصميم..

 

عاااد الله الله بالمدح تراني مبتديئه

 

واللي يبي ينتقد بيني وبينكم << ما تقصد راسلني

 

هههههههههههههههههههههههههههههههههههههههههههه

 

 

 

 نكمل وين وصلنــا؟

 

اييييه

 

وانا احوس بالنت وافرفر طحت.. بس ما تعورت << تستخف دمهــا هع ..هع

 

 على مقطع يموت من الضحك

 

يمكن شفته عشر طعش مررهـ ... بس وربي كل ما اشووفه اضحك

 

][ارعصوا هوون][

 

 

نسيت اقووولكمـ

 

عزوز اخوي صار عنده ايمييل أد الدونــيـــا هع

 

 << الله يهديها اموول سوت له

 

من الحييين بدا السربته <<= سربوت هع

   

خخخخخخخخخخخخخخخخخخخخخخخخخخ

 

عاد الحين من جد بينشب لي

 

 

ايييه وبعد وش اقووول لكمـ

 

تدرون ان المتعسه باقي عليها كم اسبووع!!

 

وان رمضان باقي عليه شهر

 

وان العيد بيجي عقب رمضان على طول  << احلفي

 

سبحــان الله الايام تمشي  200 هع

 

.

.

.

 

احس رمضان هالسنه جاء بسرعه !!

والعطله انتهت بسرعه!!

والمدرسه جات بسرعه!!

 

^

^

 

مسكت خط هع

 

انتوا مثلي ؟؟

 

 

..الموهيم..

 

مالكمـ بالطويله و بالحكي اللي ماله سنع هع  

 

اسمعوا الحكي الجد

 

قبل فتـــره سألت ناس قلت لهمـ وش رايكمـ بسبيسي

 

بعضهمـ قال حلو والوانه حلووه.......الخ

 

و

 

بعضهم قال الوانه شوي صارخه تعمي العيون وتعور الراس

 

لو تغيرينه بيصير اوكي

 

عاد انا دايم اسأل نفسي

 

يانفسي صدق الوان سبيسي تعوور الراس وتعمي العيون...؟!

 

ترد علي نفسي وتقول

 

لا كذابين لا يهمكـ حكيهمـ

 

 خخخخخخخخخخخخخخخخخخخخخ

 

امزح .. امزح

 

اختلاف الاراء لا يفسد للود قضيه<< اوووخص حكيمه هع

 

عــا انا من هذا المنبر  

 

حبيت اخذ رايكم

 

قبل لاتلعب علي نفسي وا اسوي شئ

 

 لاني  سودانيه .. هع لو بغيره مــره بتكون اول و اخر مرره اغيره

 

هههههههههههههههههههههه

 

وخصوصاً اني لوبغيره بغيره تغيير جذزي من بلوقا ت و... و... الخ..

 

 

..الموهيمـ..

 

أي احد يكتب كومنت

 

يكتب فيه

 

1<< يعني حلو وكويس وما عليه حكي

 

2<< يعني عميتي عيوني

 

وبس

 

،،،،

 

ابي اعرف شئ ليش عداد الزوار يزيد والكومنتات ما تزيد !!! هاه

 

خخخخخخخخخخخخخخخخخخخخخخخ

 

مـــلاحظه:- اللي يبي يكتب كومنت ،،، يكتب عربي مابي انقلش حتى الانقلش المعرب ما نبيه  

 

^

^

طــرارهـ وتتشرطـ

 

ترى اتعقد كذا ولا عاد اكتب بلوقات<< تكفين اكتبي

 

 اذا شفت كومنت بالانجلش اقعد على كــل كلمه 3 ساعات << موب نصااابه ابد

 

 

..الموهيم..

 

 ترى كنت حاطه لكم ايقونات انما ايه

 

بس مدري وش فيها صارت طالعه فوق الكلام وحوسه

 

يوم اكتب البلوق وش زينها طالعه

 

بس هون مدري وش جاها .. بسم الله علينا << وش دخل  

 

حــاولت فيها بس ماتعدلت .. بعدين مسحتهاا

 

بس يالله خيرهــا بغيرهــا << تهون على نفسها هع

 Confused 

يــــلا بـــــاي بــــاي

 

اشوفكمـ على خــير .. بس مدري متى ..هع  

 

 

.

 

.

 

.

 

9:11 AM | Add a comment | Read comments (16) | Permalink | Blog it
July 29

قــهـــــــر

اليـوم: الأحد
التـــاريخ:29/7/2007مـ
الوقت : 7 مســاء 
 
 
  هــــآإآيــــو ... هـــآإآيــــآت
 
  أهئ .. اهئ
 
أنتووووا شفتوا اللي انا شفته وسمعتو اللي انا سمعته
يااربـــــي المشكــــله ودي أنتحر ,, بس تعرفوون اخاااف أمووت
 
   
 
Tongue outاخبـــــاركـــوا ....؟ عــاملين ايــه بعد المبــــاره
 
 فـــزنـــا يعني فـــــزنا<<تحــسون وحدهـ منقهــــرهـ ... هع
 
 
وآوووهـ...آوووهـ...آووووهـ،،، يااا سعــــوودي
 
 
وش هالدفــــاشه في العراقيييييين
 
Angryلا ويقولوون العراق تستااهل
 
وين تستاااهل وهم
 
 كنهم داخلين مصــــارعه
 
على قولة سووسوو جعل امريكا تذبحهم واحد واحد
 
خخخخخخخخخخخخخخخخخخخخخخخخخخخخ
 
 
 احسن شئ يـــــاســــر حـــــلــــوهـ الحركه
 
 Angryيســــتــــاااهـــل العراقي
 
 
الحمدلله... اني ماقلبت سبيسي كله اخضر وابيض
 
^
^
 هذا اللي يهمها بس
 
والله مدري وش اقووول...مدري وش اكتب
 
 مــــا اقووول الا
 
No CoMMeNT
 
المــــوهيـــمـ
 
خيــــرهــــا بغــــــيــــرهـــا
 
 
Open-mouthedبـــــرايفت لأصدقائي السبيسيين
 
DeATh
 
الـ غ ـلا
 
سوسو المدرعمه
 
P!nKy sM!Le
 
فقدتك
 
بنت السعودية
 
•◦ MÃѕĥαĕíĻ •◦
 
البقره الأجوديه
 
يـــســـــلـــــمـــــووو  على تشريفكمـ لسبيسي
 
وعالكــــومنتـــــات الحـــــلوووهـ
 
Red rose Red rose
 
 
.. المهم..
 
انا بس كذا مسكت معاي اخربط عليكمـ
 
الله يعينكمـ
 
 تصدقوون أن سبيسي صار من المشااهير
 
مرتن من المرارير
 
Googleقلت اجرب
 
واسوي بحث
 
واكتب
 
 
 شوفوا وش طلع لي
 
 
 
احس اني حــركتــــات ... هع هع 
 
 
.. المهمــــ ..
 
لااشوف احد موطوط عند سبيسي ومايكتب لي كومنت محترم 
 
يليق بمقــامي <<<  اهم شئ خخخخخخخخخخ
 
     
 
 
.. المهمــــ ..
 
يـــــلا
 
بــــــررررب طووويل خخخخ
 
اشوفكمـ مدري متى
 
الـى اللقـــاءءء !!!
 
 
7:46 PM | Add a comment | Read comments (6) | Permalink | Blog it
June 23

اي شئ

 

---------------------------------------------1ot4p4.gif ReMoOo 1ot4p4.gif------

اهلييييييييييييين 

كيفكمـ وكيف الإجـــااازهـ معكم!!<<<بسم الله ما امــدى هق

المهم..

خذيت الشهااادهـ بنسبه تهبــــــل جداَ..

     

---------------------------------------------1ot4p4.gif ReMoOo 1ot4p4.gif------

اليوم بقولكمـ سالفه وربي مــو سالفه فيلم هندي

اول شئ بعطيكم نبذهـ بسيطه عن بطـــل السالفه

][

عــزوووووز][    

هــذا الله يسلمكمـ اخوووي الصــغـــير

ناشــــب لي في كــل شئ شكل أحد مسلطه علي?

يمتـــاز بدهائه وعبقريته الامحدودهـ 

وهووو عربجي حتى النــخــاع:p

وانت تسولف معه تحس كأنـكـ تسولف مع واحد عمرهـ 20 سنه !!!

^

^

^

لااله الا الله اخاف اصكه عين ..هع هع

مواصفااته كامل المواصفات<<يامصلي بس هع هع

عيوووونه كـــــبـــــار مررررهـ نسميه ابـــو عيوون

شعره اسوود فيه خصل بنيه وناعم مررهـ <<يعني اسود مشوهب :p

ضعيف بس مو مررهـ و اسمررر يقاله مملووح

وبــعــد !! اممممم

ايه نسيت اقولكمـ كم عمرهـ

عمره يمكن 5 سنوات والله مدري هق

تبون تشوفونه!!!

 روحوفوق في البوم العايله تلقونه  هع  

---------------------------------------------1ot4p4.gif ReMoOo 1ot4p4.gif------

المهم

 الله يسلمكم يــوم الأربــعـــاء كنت قاعــدهـ  افرفر في الشبكه العنكبوتيه 

جـــاء عزيز <<بالشده بس ما ادري على اي حرف :p

وقال لي عطيني الاب توب ابي افتح ايميلي !!

^

^

غصب يسوي نفسه عندهـ ايميل ههههههههههههههههههههههههههه

المهم قلت له اقووول انقلع بس ما عندك ايميل...

قــال ..........<<اسمي

^

^

يعني مايعرفون اسمكـ ككككككككككككككك

المهم

قال اذا ما عطيتيني والله لأذبحكـ

انا صفطت امه مشيت وخليته ما عنده سالفه

رحت قعدت بالخيمه

 

 

 

 

 

 

 

 

فجـــــــــأهـ

 

 

 

 

 

 

 

الا عزوز جايب السكين

وانا اصـــــارخ واطااامـــر

 اقوول له عزوز خلاص وقسمن بعطيك بعطيك الاب توب مابيه حلالك خذه بس ابي اعيش بكاء

إحباطوهو فاتح الكشره متشقق من الوناسه وفي نفس الوقت عيونه يطلع منها شرار>>

وانا منا منا يابن الحلال يا ولد ..خلاص هو قافله معه ماكو فكهCrying 

المهم بعد الاكشن هذا كله

ربي رحمني .. جات اوخيتي ايمانوه في الوقت الضائــع

وسحبت السكين من ورى .... <<يقالها البطله ترى هيهيهي:p

انا تحمدت ربي اوخيتي جات ولا كان الحين انا في خبر كان:s

و رحت فيها اخوي واعرفه مهبوول ماهوبصاااحي:@ الله يكمله بالعقل بس

يوم انتهى المشهـــد

وانا اللي امسكه مع  كشته المشوهبه

 واقول له ان شفتك مرره ثاانيه ما سكـ السكين فقعت وجهك <<<لا لا قويه

وبس:p

 ما يستفاد :اذا قالوا لكم اخوانكم عطونا الشي عطوهم الشي<<الشي عباره عن الشي اللي يبون <<ترى يقالي شرحت الحين :p

قسمن كـــل ما اذكر شكلي وشكل عزيز اوخيي امــــوت من الضــحكـ انا خايفه واضحك مدري شلون

شعور شين احد بيطعنك <<قويه بس سلكوا مالقيت شي اختم في القصه قلت لازم ابهر شووي :p

 

---------------------------------------------1ot4p4.gif ReMoOo 1ot4p4.gif------

 

المهم

^

^

بالله كمـ مرررهـ قالت المهم هع هع

يلا الحين بروح اتروش معزومه على حفله

عند

شخبوطه ودلووعه وعنوزهـ

 

^

^

بطاقه الدعوه موجوده في الصور اللي يبي يجي حياهـ الله

لاتصدقووون هع هع

المهمـ...

المررهـ الجاايه اكتب لكم بلوق عنهم الثلاثي المــرح

اللي ذكرت اسماهم فوق<<فيها عرق سوداني

يا حبي لهم بس ...

ايه على طاري العجز والتكيسل

مررهـ مالي خلق اجيب المفتاح من الدور الثاني

طلعت مع الدريشه

 

---------------------------------------------1ot4p4.gif ReMoOo 1ot4p4.gif------

ومرهـ كنت طفشاانه حطيت على قناة السودان

 احب اضحك على مسلسلاتهم

تخيلو اذا جاهم ضيوف او جيرانهم

يقعدونهم في غرفه فيه سراير<<جمع سرير هع

ويسووولفووون!!!

 يالله وش ذا الكسل ما يتحركون من الفراش

اعوووذ بالله يالله لا تبلاانا

 

---------------------------------------------1ot4p4.gif ReMoOo 1ot4p4.gif------ 

الـــمـــهـــمـــ...

ما تلاحضون انهم خــربوا السبيسات<< ((خشه حزينه على سبيسها)) 

الله ياخذهم من يوم ماحطوا هالايف << ((خشه معصبه)) 

سبيسي صاار كبير!!!

والزخارف احياناَ ماتطلع والفيسات مدري شلون تطلع

الله يعيني على تضبيظه بس<< ((خشه تبكي)) 

يلاااا اشوفكم على خيرررر

بـــــايوووو!!

12:37 PM | Add a comment | Read comments (22) | Permalink | Blog it
June 19

احســـــاس غــبي مدري وش يبي <<<يلعن ام الاسلوبـ اللي عليكـ


 

اليوم:الثلاثاء

التاريخ:19/6/2007مـ

الوقت:2:36مـساءَ

،'، ،'، ،'، ،'، ،'، ،'، ،'، ،'، ،'، ،'،

هـــــــــلا والله وغــــــــلا

بأصدقائي الانترنتيين

حياااااااكم الله في سبيسي كل يووم تعالوا <<تسووي دعاايه

يؤؤؤؤؤ منذووو مبطي عنكم

وحشتووووني اوي..اوي<<نصابه

الموهيم اخبااااركــوا ...؟ عاملين ايه

ان شاء الله كــويسين

WoOoOoOoOoOoOoOoOoOoOoOW

تصدقوووون اني اليووم خلصت اختبارات

ويقووولون اني ناااااااجحه <<اهمـ شئ

بس مدري وش فيني  مستاااانسه ومو مستااانسه

ثالث ثاااانوي

  لقد اني بفقدكم و بقووووووووووووا بعد

اليووووم آخـــــر يوووووم بشووووفكم

ميشوووو منووووور وهيووووف

واموووول وهنوووو وعهووودي

وسهااوي وفووفوو

والله احـــبــكـــم

المهم<<انتي عندكـ شئ مهم

هذا اللي عندي اليووم اشووفكم بعد النتاائج

 يلا بايـــو

  

11:48 AM | Add a comment | Permalink | Blog it
May 29

«®»أدعـــيــه«®»

 

 
لا اله الا الله العظيم الحليم لا اله الا الله رب العرش العظيم لا اله الا الله رب السماوات السبع ورب العرش الكريم
 
 
 ][دعاء الغمـ والحزن][
لا اله الا انت سبحانك اني كنت من الظالمين
 
][دعاءلمن اصابه همـ او حــزن][
اللهم اني عبدك ابن عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي وغمي

 
][دعاء الكروب][ 

.الللهم رحمتك ارجو فلا تكلني الى نفسي طرفة عين واصلح لي شأني كله لا اله الا انت
 
 
][دعاء إزاله الهموم][

ياحي يا قيوم برحمتك استغيث


 ][دعاء من اصابه كرب وشده][
 
الله ربي لا اشرك به شيئا 


][دعاء دفع الهم وانواع البلاء][
 
لا حول ولا قوة الا بالله العلي العظيم
(الدعاء باسم الله الاعظم يزيل الهموم والكروب)
اللهم اني اسالك بأن لك الحمد لا اله الا انت وحدك لا شريك لك المنان
يا بديع السماوات والارض ياذا الجلال والاكرام
اللهم اني اسالك بانك انت الله الذي لا اله الا انت الاحد الصمد الذي لم يلد ولم يولد ولم يكن له كفوا احد
توكلت على الحي الذي لا يموت الحمد لله الذي لم يتخذ ولدا ولم يكن له شريك في الملك ولم يكن له ولي من الذل وكبره تكبيرا
 

 
][دعاء ابراهيم عليه السلام][
 
حسبنا الله ونعم الوكيل
رب لا تكلني الى احد ولا تحوجني الى احد واغنني عن كل احد يامن اليه المستند وعليه المعتمد وهو الواحد الفرد الصمد لا شريك له ولا ولد خذ بيدي من الضلال الى الرشد ونجني من كل ضيق ونكد
 اللهم آمين

 
((أدعيه للأختبارات))
 

 
 
][قبل المذاكره][

اللهم إني أسألك فهم النبيين وحفظ المرسلين والملائكة المقربين
اللهم إجعل ألستنا عامرة بذكرك ،، وقلوبنا بخشيتك ،، وأسرارنا بطاعتك
إنك على كل شي قدير ،، وحسبنا الله ونعم الوكيل

 
][بعد المذاكره][

اللهم إني إستودعتك ما قرأت وما حفظت
فرده عليّ عند حاجتي إليه.. إنك على ما تشاء قدير وحسبنا الله ونعم الوكيل

][في قاعة الامتحان][

..ربي إشرح لي صدري ويسر لي أمري .. و أحلل عقدة من لساني يفقهوا قولي


][في قاعة الامتحان][
لا إله إلا أنت سبحانك إني كنت من الظالمين 

][عند الانتهاء من الإجابه][
.الحمدالله الذي هدانا لهذا وما كنا لنهتدي لولا أن هدانا الله

 يارب توفقني وتوفق كل اللي يختبرون

12:24 AM | Add a comment | Read comments (3) | Permalink | Blog it
February 07

احلىىىى يوووم

هــــــــــلا والله وغـــــــلا بالزوااااار<< الله يكثركم  والاأصدقاء وكل ابوووكم وامكم
 
وحياااااااكم في سبيسي منوووورين 
 
المهـــــم  اخبااااركم واعلوووومكم...؟ ان شاء الله تماااام
 
ياااااااااااااااااهـــــــــوووووهـ باركوووووووووووولي نجحت 
مســـــتاااااانــــــه>>>> 
اانااااا اليووووووووووووووم كتبت االبلووووووووق
 
بمناااااااسبه نجااااااحي بنسبه عاااااليه جدا جدا <<ايه معليه  
 
لا عاد مو عاليه امززح ..
 
بس  تعتبر حلووووه
 
وأهم شيء اني نجحت وخلصنا اختبااااااااااااااارت
 
وعقباااااااااااااااااالكم كلكم
 
ومبرووكـ  للي في الثانويه العامه أختي نمونيش وبنت خالتي هنووو وميشوو حبيبتي وهنوده قلبوو وفتووو واموول على النسب الحلووه
 
وعقبال التيرم الثاني اختبارات الوزاره
 
وابااااااااااركـ لصقيقاتي رورو وهيوونا واثوووري وشخبوووطه واموووول خيتوو وعبووور وسارونه ولجوون وسوسو وندوش ومجود وموطي ومي مي
 
ومبرووووووووووووووووووك لكل الناجحين والناجحات
 
واللي مانجحوا اقولهم شدوا حيلـــكم وان شاء الله تعوضوونها
 
وعطـــــــــله سعـــــــــــيده
 
وبس...هـــذا اللي عندي
 
سي يوووو
 
 
 
 
9:30 AM | Add a comment | Read comments (6) | Permalink | Blog it
February 01

`•♥•´ حـروف وإهداءات `•♥•´

 
 ♥ ♡    R   ♥ ♡
 
 
 جميل ان يكون لكـ قلب انت صاحبه
...ولكن
الأجمل ان يكون لكـ صاحب انت قلبه
 
 
♥ ♡    M   ♥ ♡
 
 
 انا وياهـ ماندري هوينا بعضنا وشلون
ومن شفته وانا احبه وفجأهـ صار يهواني
 
 
♥ ♡    a   ♥ ♡
 

I Miss you 
 
 
♥ ♡    A   ♥ ♡
 

زعلان لا ترضى إذا كنت زعلان
شكلك تدورها وجاتك من الله
ما كثر الله في بيتكم غير جدران
دور أقسى ما فيها وانجذب له
يا صاحبي مابه محبه وخلان
لاصار خل يجرح شعور خله
 
 
 ♥ ♡    H   ♥ ♡
 
 
احس براحتي قربه
وكل شئ يحلى بعيوووني
واموت بشوفته وحبه
ومنه لا يحرموني
...
والله تسوى هالعالم
وتسوى كل مافي الكون
 
 
♥ ♡    A   ♥ ♡
 
 
من كثر صدماتي بناس عزيزين
صرت اتحرى صدمتي من ظلالي
 
 
♥ ♡    D   ♥ ♡
 
 
جمعت الشوق .. وأهديته عيونك
وكل الحب .. فى دربك نثرته
وعطرت المشاعر من جنونك
وزفيت العمر لك .. لو خسرته
زماني .. ماتخيلته بدونك
وليلي بدون همسك .. ماسهرته
أحبك مثل ماحظك يخونك
ومثل ماجابك الحظ .. وشكرته

 
♥ ♡    N   ♥ ♡
 
 
لا تسأليني وين فيه سكنتي؟؟
بس اسأليني وش بقى ماسكنتيه
 
6:50 AM | Add a comment | Read comments (2) | Permalink | View trackbacks (1) | Blog it
December 01

★Welcome★

هـــــــــــــلا وغـــــــــــــلا
 
شخبااركم...؟ ان شــاء الله بخييييير
 
....طبعا مثل ماانتــــوا شايفيـــن سبيسي تووه نيوو وبســــيط
 
بس ان شــاء الله بتواصلكمـــ راح اضبطــه واخليــه شيء
 
اتمنى يـــنال على اعجـــــابكمـ وان شــاء الله تستمتعوون فيــهـ
 
 
....وبليييييز لاتنسوون تسجلوون حظوركـــــم 
 
 
سي يوووو
 
8:47 PM | Add a comment | Read comments (6) | Permalink | Blog it
 

::+::اذا اردت::+::

Poll
Loading...

::+:: لا تحــــزن ::+::

::+::نكـ نيمات::+::